A Letter To My Dad..

"So I am glad not that my loved one has gone,

But that the earth he laughed and lived on was my earth too.

That I had known and loved him,And that my love I 'd shown.

Tears over his departure?

Nay,a smile .. :)

That I had walked with him a little while............."

Hi Dad,
Aap kaise ho yeh nahi puchungi after all bhagwanji ke ghar pe ho to achese and aaramse hi hoge.Yeh batao kaise life hai wahan ? aap bhi soch rahe hoge ke achank char saal ke baad yeh letter kyon? Waise aisa to nahi hai ke maine aapko kuch kabhi likha hi nahi..maine suna hai ke wahan se yahan ki sab baatein pata chal jati hai ..aur nahi bhi chalit ho tab bhi kabhi kabar aap bhagwan se hamare bare me puchh to lete hi hoge , hai na? Yah phir wahan jake soch liya ke responsibility khatam..aisa nahi hai na?To me kya keh rahi thi, haan 4 saal kyon ..who kya hai na jab bache ek umr cross kar jate hain to unhe lagta hai ke who kafi bade hogaye hain aur apni uljhanein khud suljha sakte hain..par jab bahat try karne ke baad dekhte hain ke yeh hamare bas ki baat nahi ..tabhi parents se puchte hain..wahi mere saath bhi hua..aap ne kaha tha ke kabhi God se complain mat karna ..par me to bhul hi gayi complain na sahi me kuch baatein aapke saath share to kar hi sakti hun.So aaj yeh khat post kar rahi hun apne blog me.

Ek baat puchun ..wahan internet hai kya ? Maine socha ab duniya itni tarakki kar gayi hai to swarglok me to isse jyada tarraki honi chahiye…. gar internet nahi hai to aap bhagwaanji se kehke thoda lagwao na..janti hun thode jhamele badh jayenge ..sab apne future ke bare me puchenge but u can suggest life time incoming without outgoing facility net connection..yah gar usse thoda acha ho ke wahan se sirf yahoo icons bhej payein ….khair mujhe pata hai ke yeh blog me post na bhi karun tab bhi aap tak to pahunch hi jayegi :)


Waise aapka plan kya hai ..bhagwaanji aapko wahin rakh rahe hain yah onsite aane ka kuch chances hain ?Wahan pe ghar liya kya? Please gar ghar banwao to mere liye ek room rakhna mat bhulna ..chahe hajaron saal baad mulakat ho, me janti hun ke me aapke paas hi aaungi .Pata hai aap ke jane ke baad mujhe lag bhag har roj ek sapna aata hai ….
Me subha uthke aapke paas aati hun ..aap paper padh rahe hote hain....aap mujhe dekhke muskura dete hain. Me aapke paas baith jati hun aur kehti hun …kal raat maine ek bahat bura sapna dekha , mujhe bahat darr laga …aap haske bolte ho koi baat nahi sapna hi to tha..ab jao mere liye ek cup chai banado kam dudh ,kam sakar kam chaipati..wahan aisi chai milti hai kya? Sapna tutta hai to sochti hun kash yeh char saal ek sapna ban jayein ..Kash ek din me sach me uth ke aapko paper padhte hue dekhun …Is jahan me sayad na ho us jahan me yeh sapna jaroor pura hoga..

Yahanpar sab thik hai .Aur mein… . aap char saal pehle jaise chod ke gaye the waisi hi hun..bas thoda patience badh gaya hai …Ab har baat pe roti nahi hun..Haan kabhi kabar thoda rona aa jata hai but utna to chalta hi hai sabke life me :)..I know ke aapko mere aansu bahat taklif dete hain isiliye abhi thodi jyada mature hone ki practice kar rahi hun.Don’t worry jaldi seekh jaungi.

Kuch sawaal hain jo hamesha pareshan karte rehte hain..pata nahi jindagi ki itni analysis karna thik hai bhi yah nahi?U know mujhe kisine ek trick sikhaya..Its about drawing a happy picture in ur mind…something like giving people a benefit of doubt whenever u feel thatthey dont understand or hurt you and draw a positive pic in ur mind and be happy. For example, koi aapse kuch kehde jo aapko bura lage to socho ke usne who mean karke nahi kaha..sayad who pareshan hai isiliye aisa bol diya ..

And u know I applied it and it worked very well..but the problem is that I couldn’t apply it to the people who are very close to me..ab me sabko har baat pe benefit of doubt dene lagi to me kabhi kisise kuch expect hi nahi karungi..is it possible to live a life without any expectation..me sanyashini kyon na banjaun(waise mujhe pata hai if I go in a spiritual line u would be the happiest person but abhi itna gyan nahi aaya)..logon ke beech me rehke naye naye rishte banake sabko benefit of doubt kyon deti jaun..kya karun..??Dekha me aajkal kuch jyada hi sochti hun na..hope mere sawalon ja jawab mil jayenge mujhe..aap pareshan mat hona :)


Aap ko yaad hai aap mujhe kaha karte the ke u will always be with me.My father is just residing in a body and even if you leave the body ..pitrusakti will be there to protect me...so I should be strong and not crave for your physical presence. And I believed you .
People around me made me feel that it’s only the physical presence that matters.But I am still having faith in whatever you said.I know you can hear me whenever I call you. You are always there whenever I need you. You answer my queries .So I just wanted to let you to know that even though sometimes I get scared of things .....I never lose faith on whatever you taught me.


I don’t have any complain to Bhagwaanji that he has taken you with him.I am lucky that I got a chance to spend 23 years of my life with you. Abhi letter bahat bada hogaya..so baki sab next letter me..I hope tab tak aap Bhagwaanji se special request karke hmail(Heaven –mail) account khol diye honge.Till then ham apne telepathy me baat karte rahenge.

Yours ,
Ani