Letter to Dad -II

Hi Dad,

Pata hai ..aap thode naraj ho ke maine sirf Bhagwaanji ko letter likha aur apko nahin.I know aap sender me mera naam dekh ke soch rahe hoge ke aapka letter aaya hai but who bhagwaanji ke naam ho to thoda to bura laga hi hoga. Woh kya hai na bahat complains thi ..aapko likhti to aap pareshan ho jate ..so as soon as I got some solution maine aapko bhi khat likh diya.

Pehle aap batao ..kya chal raha hai..I knw aap bologe ke mujhe leke pareshan ho ..Kya karun ..kabhi kabar jindagi ke sawal mujhe bhi bade pareshan kardete hein..Abhi hojati hun kabhi kabhi dukhi and frustrated..par u know it never lasts for long time Jitni jor je girti hun utni hi jidd se phir se uthke chalna shuru kar deti hun. Pata hai aaj dopehar me bahat barish hui.. thik uske baad tej dhoop bhi..then I got the first answer..Ke me kabhi haar maan hi nahi sakti.. jitni jyada barish hogi uske baad ka dhoop utna hi sunehra hoga..tej ,ujwal..and all my pain vanished..I think you saw me when I smiled ,hai na ? Haan kuch sawal hein jinke jawab abhi bhi nahi mile par mil jayenge. Me bhi na bahat bolti hun ..ab dekhona kahan aapse puch rahi thi ke kya chal raha hai aur phirse meri kahani shuru kardi.

Waise aaj special request aayi hai aapko mail karne ke liye. Aap ne meri nayi dost ko dekha hi hoga.Arre who jis se bus me mulakat hoti hai.We are very good friends now.Aap kuch karo na ,problem hai thoda usse.. job ka kuch ..details ********** in code word haan..to me kya keh rahi thi..dekho thoda dekh lena .. special request ..URGENT.

Aur kya chal raha hai Dad..wahan pe bhi aise pange hein kya ? people always say na grass is greener on the other side.. us dunya se iss duniya ka najara acha lagta hai ??

Ek baat bataun ..chalo rehne do. Aap dukhi ho jaoge.Aapko pata hai I joined a summer camp as a teacher. Aap hote na maja aa jata . Itne pyare bache hein.

You know I always wanted to spend some time with kids.. it feels great .Aur haan joined MBA..sachi me padhai ki aadat chut gayi hain na halat kharab hojati hai exam ke time..pata hai ab aap apna puara dialoge kahoge ..lagja Ani yeh mere jindagi aur maut ka sawal hai aur me phirse aap ko remind kardun, Zindagi aur maut nahi Ijjat ka sawal bolo. Waise paas ho gayi, woh bhi ache numbers se..doston ne kafi pray kiya tha

Aur Bade papa se mulakat hui yah nahi. Unhe bolna haan aise nahi chod ke jana chahiye tha..ham bahat miss karte hein unhe ..unka khayal rakhna ..Aur unhe boldena ke mera ceriticate aagaya.. unhe bahat mann tha na ke me woh course complete karke ceriticate le aaun. I got it. Hope he is having good time with you and Bhagwaanji.

And Dadu ..Bhagwaanji se bolona mere sabse ache dost ko kyon itna pareshan kar rahe hein. Ek hi to dost hai jisse me apni sari problems bejhijak keh deti thi .. mujhme himmat nahi hai usse taklif me dekhne ki ..please do something .Woh lad raha hai na apni ladai ..uspe aur jyada problems mat dalo..please ..

Dinner time ho gaya ..abhi Mom bulayengi . waise aap yeh kya unki baat sunte nahi ho.Aisa thode hi chalega … wahan bhi IPL chal rahi hai kya ? yah achi movies relase ho rahi hein? Suna karo haan ..waise unhe pata hai unki nahi sunoge to mujhe bol dengi aur meri baat aao na suno yeh to ho hi nahi sakta..

To mein jaun dinner khane… kya hua ?? ohh woh baat jo bolte bolte ruk gayi.. batati hun, pata hai nahi bataungi to aap raat bhar sochte rahoge ke kya kehna chahti thi yeh bachi.. to baat bas itni si thi ..Missing you a lot Dad.. aap paas ho ,pata hai phir bhi ..missing u a lot.. abhi dukhi mat hona ..aap bas ek baar mushkurado ..I will be fine :)

Chalo kafi bada letter hogaya .. abhi bahgwaanji dkehenge to puchenge Arre Ajit bhala tera letter mere letter se bada kaise ??iss se pehle ke unhe lage ke maine aapko jyada bada letter likha hai me yahin pe rukti hun. Hope next letter jaldi hi bhejungi..kuch aur sawalon ke jawab ke saath. Till thn..enjoy :)
With lots of love,
Ani :)

Ek khat ..mere pyaare Bhagwaanji ke naam :)

Baba,

Pata nahi kya likhna chahti hun bas yeh pata hai ke kuch likhna hai .
 Bahat si baton ka shukriya ada karma hai aur haan thodi sikayatein bhi hein. Aaap ki sikayatein aapse .

Hmm ..kahan se shuru karun ?? Achi baton se shuruat karte hein.Pehli baat aapki beti se mili aur pata hai ham dono kafi ache dost bhi ban gaye hein.Aap ki bahat baat karte hein..aapne to dekha hi hoga ..dono milke gaye the na aapse milne .Wasie aapki kabhi kabar burayi bhi kar dete hein ke aap ko to hamri fikr hi nahin hai.

Dusri baat ..thanks meri yadon ke pannon se purane sapne churakar unhe pura karne ke liye.Sach me summer camp me bada maja aa raha hai ..bache sach me apke roop hote hein .unke saath bitaya hua har lamha mujhe aapke aur thode kareeb le aata hai.



Ab thodi compalin kardun..?? I know Papa ne mana kiya tha par mujhe lagta hai hum sikayatein unhi se karte hein jinhe ham apna samjhte hein.Gairon se kya sikayatein karna. Aap to sabse jyada apne ho ..to thodi sikayat to karne ka haq hai mujhe sayad. To kardun?? 


Mujhe pata hai aap mujhe bahat pyaar karte ho ,mujhpe aapko bahat bharosha hai lekin iska matlab yeh thode hi hai ke aap mujhe har baar problem me dal do..I also deserve a break. Aap na ek kaam karo aake ek din meri zindagi ka jeeke dekho..Itna complicated kyon karte ho life ko .Jamana badal gaya hai.Chitragupt ji se kehke thoda change karo . Abhi dekhona movies bhi kitne simple ho gaye hein..3 Idiots dekha nahi aapne ? Chitragupt ji ko dikhao ..aur Zindagi ki script likhte waqt thode simple plots banao ..Please haan yeh mere jaise lakhon struggling actors ki roj ki prathana hai.

Aur yeh panaga kya chal raha hai aapka mere saath ?? yahan mere hoton me mushkurahat aate hi wahan mujhe rulane ka program ready kardete ho..this is not fair, you know…Bhulna mat yahan ka kaam khatam karke me wahin aaungi at the end..phir hamara one to one meeting hoga .



Aur nahi ki jati sikayat.. aage aapki marzi.. Acha baba Mood off mat karo..phir se ache baton ki taraf topic mod dete hein. Achi batein .. finally shuruat hui miles ke meet ki. Maine aapko kabhi shukariya nahi kaha na Mujhe Miles dene ke liye ..Itne ache logon ko dost kehne ki priviledge dene ke liye.So a Big Thanks.

Ek baat batao aapko meri yaad nahi aati..yahan bade pange hein sach mein. Papa ko bhi bahat miss karti hun .Kya aap dono wahan baithe baithe kuch nahi karr rahe ho..do some onsite planning for me.  Waise Papa kaise hein ? aap khayal to rakh rahe ho na unka ? Dekho jab me pareshan hoti hun na to woh bahat pareshan ho jate hein ..to gar mujhe pareshaan karne ka aapka plan bane to unhe sambhal lena .Kehna jhel legi bandi ..sach kahun ab to aadat pad jani chahiye ,par pata nahi kyon aap itne pyare ho to aapki di hui jindagi se achi umeedein ho hi jati hai .

Waise yeh batao mujhe misguide kyon kiya ? Aap pe itna bahrosha karti hun isiliye tang karte ho ? Chalo iss baar excused but haan dubara mat karna haan..warna jhagda ho jayga ..itna yaad karungi ke aap wahan chain se reh nahi paaoge ,samjhe .Chalo aaj ke liye itna hi ..bahat raat hogayi …mujhe to neend aa rahi hai ,aap bhi sojao. And aap reply karna chaho to mail id to pata hai na aapko..call bhi kar sakte ho..aaj kal ISD rate bhi kafi cheap ho gaye hein.So  eagerly waiting for your reply.


Good Night n sweet dreams.
Bbye n tc,
Aap ki beti :)

Khudaya ve...

E- khuda tujhse na kabhi sikayat thi na hogi kabhi,
tu bas kuch pal meri zindagi me guajarkar to dekh…


Ujadte rehte hain jo pal pal umeedon ke gahronde
tu ek baar usse pyaar se sanwaar karr to dekh..


Saare dard mitjayein me mukt ho jaun khud se
mujhe  ek baar apni najar se niharke to dekh..


Kahan maine tujhse kayenaat ki khusiyan maangi hai
Bas do pal ke liye apni hi rachna ko pyaar se to dekh…..


~Ani

Ek mulakat..Zindagi ke saath

Aaj ek mod pe mili thi mujhe “zindagi”
Mushkurake boli........


Suno.. me laut aayi hun
bikhr gaye the jo  sapne
woh apne  saath layi hun
chalo milke phirse hum khawab sajate hein
apna ek pyara sa ashiyana banate hein
Dekho aaj me yeh ekraar kari hun
haan me bhi tumse behad pyaar karti hun

Sunke batein uski me bhi mushkuraya
bahat si batein thi dil mein par kuch keh nahi paaya
kaise keh pata ke… 


Jo shiddat se thi tumse woh chahat ab nahi rahi
kya karun Zindagi mujhe ab tumahri talab nahi rahi
Mein woh nahi jisne tumhe chaha tha
mein to bas usi rooh ka saaya hun
kaise apnaunga tumhe jabke aaj mein
khudke liye bhi parya hun




~Ani